Janë arrestuar nga policia britanike dy shtetas të huaj njëri prej të cilëve një emigrant i paligjshëm shqiptar dhe një tjetër grek, pasi gjatë bastisjes së banesës së tyre nga policia është konstatuar kthimi i saj në një laborator të vogël ku prodhohej drogë.
Ntenis Pteritai me origjinë greke dhe emigranti i paligjshëm shqiptar, Mariglen Skendaj u kapën në një banesë ku prodhohej kanabis, që në total bëhet fjalë për 140 bimë të klasit B me vlerë mbi 7000 paund.
Lënda narkotike u gjet në një dhomë papafingoje, e cila ishte përshtatur posaçërisht për rritjen e saj.
Të dy emigrantët janë dënuar me një total prej pothuajse 4 vite burg dhe mbi ta rëndon akuza për mbjelljen dhe trafikimuin e lëndëve narkotike.
Gjyqtari që ndoqi hetimet, Jonathan u tha dy të pandehurve: “Dy prej jush u arrestuan më 16 nëntor, pasi një banesë mbi një dyqan ku jetonit për një kohë të shkurtër është bastisur nga policia. Ishit duke e përdorur për rritjen e kanabisit dhe unë do ta përshkruaja atë si një fabrikë të vogël. Dy dhoma në papafingo ishin përshtatur për rritjen e kanabisit dhe një numër i konsiderueshëm i bimëve – rreth 140 – u gjetën aty”.
Policia bastisi banesën në Skelë Lane, Chesterfield, rreth orës 10 të mëngjesit më 16 nëntor, ku Petritai, 23 vjeç dhe Skendaj, 36 vjeç ishin brenda saj.
Ndërsa 23 vjeçari rezervoi të jepte komente, shqiptari pranoi para oficerëve se kishte ardhur javë më parë në mënyrë të paligjshme nga Shqipëria për në Londër.
Pas periudhës së dënimit, ata mund të dëbohen megjithëse vendimi përfundimtar do t’i kalojë Sekretarit të Shtetit. /faxweb
