Kishin bërë gati ambjentin për “shtëpi bari”, policia u shkatërron planin 2 korçarëve

Dy të rinj nga Korça janë shpallur në kërkim, pasi dyshohet se kanë kultivuar lëndë narkotike. Sipas burimeve, prej disa kohësh policia gjurmonte të rinjte dhe ditën e sotme ka konstatuar se ata po përgatisnin ambintet për “shtëpi bari”.
Policia e Korçë gjatë një operacioni, ka konstatuar një ambjent brenda një banese në afërsi të fshatit Turan, të përshtatur për tu kthyer në shtëpi bari. Sipas burimeve kofidenciale, ambjenti ishte përgatitur me llampa dhe hapësirën e mjaftueshme për të kultivuar lëndën kanabis sativa. Bëhet me dije se 2 persona janë shpallur në kërkim, ndërsa materialet e grumbulluara i janë dërguar prokurorisë për të vazhduar më tej me hetimet.