Aleati i vetëm i Edi Ramës, Erdogan vendosi ta kthejë Kishën e Shën Sofisë në Stamboll në xhami.
Ky vendim që prapson atë të Ataturkut, ka sjellë edhe reagimin e Imzot George Frendo.
Deklarata e plotë:
Khimi i Kishës së Shën Sofisë në xhami
Kthimi i Kishës së Shën Sofisë në Xhami funksionale nga ana e Turqisë ka krijuar shumë habi dhe keqardhje në botë.
UNESCO e ka dënuar këtë akt duke shprehur keqardhjen për këtë vendim, për të cilin nuk ka pasur diskutime paraprake duke qenë se objekti është në listën e trashëgimisë botërore. Edhe shumë autoritet të tjera fetare e kulturore e kanë dënuar këtë vendim duke shprehur keqardhjen e tyre.
Sot, në lutjen e Engjëllit të Tënzot Papa Françesku ka shprehur dhimbjen e tij të thellë për këtë akt.
Ky vendim nuk i shërben sigurisht atyre vlerave të bashkëjetesës dhe të ruajtjes së disa parimeve të së drejtës ndërkombëtare. Duke qenë se Hagia Sofia i përket trashëgimisë botërore do të duhej të merreshin vendime të bashkëndara e ai objekt të mbetej i tillë, i hapur dhe i vizitueshëm nga të gjithë e duke u përkitur të gjithëve.
Imzot George Frendo
Arqipeshkvi i Tiranë-Durrësit
Kryetari i Konferencës Ipeshkvore të Shqipërisë
