Lionel Messi realizoi mbrëmë ëndrrën më të madhe të popullit argjentinas. “Pleshti” i dhuroi bashkëkombasve të tij një Kupë Bote. Ky ishte i vetmi trofe që i mungonte në karrierën e tij mbresëlënëse.
“Është çmenduri, ishte e shkruar, është gjëja më e bukur që më ka ndodhur. E dëshiroja shumë këtë. E dija që zoti do ma jepte këtë trofe, e kisha këtë ndjesi. Kemi vuajtur shumë, por ia arritëm. Mezi pres të kthehem në Argjentinë për të parë se sa e çmendur do jetë festa”, u shpreh Messi duke shtuar:
“Dëshiroja ta mbyllja karrierën me këtë trofe, por nuk mund të mbyll dot asgjë. Të mbyllja karrierën time me këtë trofe ishte frymëzuese.
Çfarë do të ndodh tani? Arrita të fitoj Kupën e Amerikës dhe tani Botërorin. Unë e dua futbollin, e dua këtë që bëj. Më pëlqen të luaj me përfaqësuesen, me këtë grup, dua të përjetoj edhe disa ndeshje të tjera si kampion bote. Kjo ka qenë ëndrra imë që fëmijë, jam me fat që kam fituar çdo gjë që dëshiroja, e vetmja gjë që më mungonte e arrita këtu”, u shpreh Messi pas finales së madhe ku u shpall dhe lojtari më i mirë i këtij Botërori.
