Autoritetet: Numri i viktimave pritet të rritet
32 persona kanë humbur jetën dhe shumë të tjerë janë plagosur si pasojë e rrëzimit të një avioni mallrash në Kirgistan.
Bëhet me dije se mes viktimave ka edhe fëmijë. Avioni “Boeing 747 u rrëzua në një zonë të populluar në afërsi të aeroportit Manas, rreth 25 kilometër në veri të kryeqytetit Bishkek.
Tragjedia ndodhi pak pas orës 07:30 me orën lokale ku të paktën 15 godina u shkatërruan si pasojë e përplasjes së avionit.
Ende nuk dihet shkaku i aksidentit ndërsa autoritetet lokale bëjnë me dije se bilanci i viktimave mund të rritet. Ekipet e shpëtimit vazhdojnë kërkimet për të mbijetuar.
Avioni me numër fluturimi TK6491, që i përkiste kompanisë turke Act, po tranportonte mallra nga Hong Kongu për në Stamboll.
