Shanghai SIPG i ka bërë një ofertë të çmendur Uejn Runit.
Ekipi që drejtohet nga Sven Goran Erikson, i ka ofruar atij një pagë prej 500 mijë eurosh në javë, ose 24 milion euro në vit, për t’u transferuar në Kinë.
Merkato në Kinë është e hapur deri në fund të muajit dhe Shanghai kërkon të bëjë të gjitha përpjekjet për ta transferuar Runin në kampionatin kinez, ku janë transferuar disa lojtarë të rëndësishëm falë pagave faraonike që ofrojnë ekipet kineze.
Por, Mançester Junaited nuk dëshiron ta lërë të largohet 30-vjeçarin.
Kjo, edhe për faktin se ai është kapiteni i ekipit, megjithëse këtë sezon ka qenë në një formë të dobët.
