Ambasadorja e Shteteve të Bashkuara në Tiranë, Yuri Kim ka vizituar kampin e burgut famëkeq të diktaturës, atë të Spaçit. Kim është shoqëruar nga ambasadori Adrian Maître dhe atë suedeze Elsa Håstad.
Në një postim në mediat sociale, diplomatja amerikane shkruan burgu i Spaçit është një dëshmi e qartë e ligësisë së Enver Hoxhës dhe komunizimit.
“Iu bashkova disa Ambasadorëve sot në një vizitë në kampin e burgut politik në Spaç (“Reparti i Riedukimit 303”). Ky vend është dëshmi e qartë dhe e tmerrshme e ligësisë – nuk ka fjalë tjetër përveçse “ligësisë” – së Enver Hoxhës dhe komunizmit. Ish i burgosuri Zenel Drangu, i cili kaloi 18 vjet në Spaç sepse ishte arratisur në Jugosllavi, na tregoi për ashpërsinë e përditshme që u shkaktohej njerëzve aty: rrahjet, puna skllavëruese, nxjerrja në kushte ekstreme të motit, keqinformimi, ngjallja e dyshimeve të ndërsjella, aktet imorale të sadizmit – të gjitha të krijuara për t’i zhveshur njerëzit nga dinjiteti, logjika dhe shpresa. Spaçi duhet të ruhet, në përputhje me statusin e tij si një monument kombëtar shqiptar, për të kujtuar ata që vuajtën, për të nderuar ata që luftuan dhe për të na kujtuar të gjithëve ne se nuk duhet të lejojmë që kjo ligësi të ndodhë më kurrë”. Ambasadorja e Shteteve të Bashkuara Yuri Kim
Falenderime Ambasadorit ?? Adrian Maître dhe Ambasadores ?? Elsa Håstad për organizmin e vizitës së sotme të rëndësishme,” ka shkruar Kim.
