Një nga “Miqtë e Çamërisë” të shpallur sot nga Shoqata “Çamëria” dhe PDIU ishte edhe Kim Mehmeti. Mehmeti u falenderua për kontributin e dhënë jo vetëm me shkrimet e botimet me ndjeshmërinë e penës së tij për Çamërinë, por dhe për organizimin e promovimin e Çështjes Çame, kudo ku ka shqiptarë.
Ndërsa ai tha se nuk ka bërë mjaftueshëm për Çamërinë, theksoi se po ta harronim atë do tradhëtonim Shqipërinë.
“Kam bërë aq pak për Çamërinë, saqë nuk kam pritur kaq shumë nga ajo. Një popull nuk mposhtet atë ditë kur e pushtojnë as kur e vrasin, një popull mposhtet kur ia fshin kujtesën. Ditën kur do pranojmë ta harrojmë Çamërinë ne do ta tradhëtojmë Shqiptarinë, këtë nuk do guxojmë ta bëjmë kurrë”, tha Mehmeti.
