Kryeministri Edi Rama ka folur për mediat e huaja lidhur me samitin e BE-Ballkani Perëndimor që po zhvillohet në Tiranë. Rama tha se BE ka nevojë për Ballkanin po aq sa ka nevojë Ballkanin për vendet e unionit.
“Kemi gjithë jetën përpara ne, shqip me shqip. Për ne kjo është e jashtËzakonshme, është diçka që edhe në imagjinatën më guximtare nuk do ishte përfytyruar të ndodhte dhe po ndodh! Bashkimi Evropian ka nevojë për Ballkanin Perëndimor aq sa dhe ky i fundit për BE-në. Nuk mund t’ju mirëprisnim me atë mot dhe sollëm diellin për ju, shpresoj që ta vlerësoni. Unë dëshiroj që BE të kishte këtë lloj magjie sot sa i takon raportit Kosovë-Serbi, por BP nuk ka qenë kurrë më mirë në histori të vet. Është një diferencë e madhe sepse këtu është rock and roll ndërsa në Bruksel është simfoni. I patë të gjithë, ishin të lumtur. Nuk më kanë informuar që ka problem për protestën, do flasim më vonë”, tha Rama.
Kryeministri e kishte edhe një batutë me mbi 300 gazetarët e pranishëm sot në Tiranë për të ndjekur samitin.
“Ju lutem mos e pini të gjithë verën që ju dhamë në mëngjes se mund t’ju zërë”, tha ai.
