Ish-futbollisti i Torino dhe Bari, Massimo Brambati, ka zbuluar se portieri i kombëtares shqiptare, Thomas Strakosha, është me koronavirtus, sikurse edhe mesfushori i Milan, Franck Kessie.
Në një lidhje direkte në Instagram me gazetaren Giovanna Martini, Brambati shprehet se për Strakoshën thonë se ka një dëmtim në këmbë, por jo nuk është e vërtetë, ai ka bërë një test dhe ka dalë pozitiv.
“Janë dy lojtarë, një nga Milani dhe një nga Lazio, të cilët kanë dalë pozitivë me koronavirus. I Lazios është Strakosha dhe për të thonë se ka një dëmtim në këmbë. Kjo nuk është e vërtetë. Ai ka bërë një test dhe ka dalë pozitiv.Nuk e di në lidhje me dëmtimin e Ibrahimovic, por Kessie i Milanit. Meqenëse u kthye nga Afrika së bashku me Gervinho, edhe ai është futur në karantinë”, ka deklaruar Brambati.
