Kreu i Institutit të Studimeve për Krimet dhe Pasojat e Komunizmit, Agron Tufa ka dorëzuar sot në prokurori padinë penale ndaj disa personave publik që kanë hedhur akuza ndaj tij ditët e fundit.
Në një deklaratë për mediat, Tufa akuzon Spartak Brahon, Sabit Brokajn, Shaqir Vukajn, Arben Dukën, Fatos Tarifën dhe gazetën Dita se e kanë sulmuar, fyer dhe shpifur ndaj tij.
“Jam njeri publik por nuk jam anëtar i asnjë partie politike. Akuzat ndaj meje po bëhen për shkak të detyrës dhe hulumtimeve të institucionit që drejtoj mbi krimet e komunizmit ku figuron edhe Braho. Kjo është bërë nga segmente me prirje komuniste që duan të rikthejnë diktaturën.
Kërkoj nga drejtësia që këta ti vendos përpara përgjegjësisë për gjithçka që kanë thënë si edhe të ndoshkojë frymeën përçarëse dhe racore që përhapin. Ka patur presione në të gjitha mënyrat e mundshme. Nuk është detyra ime të zbardh akuzat e tyre por ia kam lënë në dorë drejtësisë. Kam një detyrë të ngarkuar dhe një familje të madhe për të mbajtur”, deklaroi Tufa.
