Kërkesa për mallra dhe shërbime 10 për qind më e ulët
Banka e Shqipërisë raporton një rënie të fortë të kërkesës konsumatore në tre muajt e parë të këtij viti. Në një anketë me biznesin ka rezultuar se kërkesa për mallra në sektorët industri, ndërtim, shërbime dhe tregti ka rënë me më shumë se 10 për qind. Bizneset e sektorit të ndërtimit kanë pohuar rënien më të fortë të kërkesës me mbi 30 për qind në tremujorin e parë. Rënie domethënëse të kërkesës kanë raportuar edhe sektori i industrisë dhe shërbimeve. Kjo është tkurrja më e madhe që nga tremujori i fundit i vitit 2013.Ekspertët shpjegojnë së, tremujori i parë i çdo viti karakterizohet me rënie të kërkesës me tremujorët e tjetër për shkak të një pauze që ka konsumi pas festave të fundit vitit, por me 2016 rënia ka qenë më e madhe se zakonisht. Kjo situatë është reflektuar edhe çmimet e ulëta të mallrave dhe shërbimeve. Sipas të dhënave të të INSTAT inflacioni në muajt e parë të këtij viti ka qenë më shumë afër zeros.
