Prej ditës së djeshme qytetarët e Tiranës po përballen me një problem shqetësues. Kompanitë e Tranportit Publik në kryeqytet kanë përgjysmuar flotën e tyre të urbanëve, duke argumentuar se kjo situatë do të vazhdojë derisa të plotësohen kërkesat e tyre.
Qytetarëve iu duhet tashmë që të presin shumë kohë në stacione, ose të ecin në këmbë. Ndërkohë që nuk dihet për sa do të vazhdojë kjo situatë, shoqëritë e transportit bënë sot një tjetër kërcënim.
Në një deklaratë për mediat mesditën e sotme, përfaqësuesit e këtyre komapnive thanë se ata kërkojnë indeksim të çmimit të karburantit duke kërcënuar se nëse nuk merren masa, atëherë në nëntor do të operojnë më 20% të kapacitetit. Kjo do të thotë që qytetarëve do t’ju duhet të presin në stacione edhe më gjatë se aktualisht.
Si gjithnjë janë qytetarët ata që e pësojnë sa herë që këto kompaninë nuk gjejnë rrugëzgjidhje me autoritetet. Ndërkohë që nuk përjashtohet rreziku i rritjes së cmimit të biletës, ashtu sikurse ndOdhi në vitin 2015. Edhe asokohe operatorët argumentuan se rritja e cmimt të naftës është i papërballueshëm.
Sakaq, deri më tani Bashkia Tiranë ka reaguar me një fjali të vetme, duke thënë se janë duke e ndjekur situatën. Ende është e paqartë se përse bashkia nuk ua heq licencën këtyre operatorëve, për sa kohë që qytetarët janë të kërcënuar, për të mos u ndalur tek shërbimi i tyre.
