Kërcënohet me jetë nënkryetari i BDI-së, Nevzat Bejta.
Mësohet se denoncimi në polici është bërë nga vetë ish-kryetari i Komunës së Gostivarit, sipas të cilit, intimidimi është bërë përmes telefonit.
Sipas asaj që raportojnë mediat në Shkup, ngjarja ka ndodhur në periudhën kur në degën e BDI-së në Gostivar po debatohej emri i kryetarit të ri.
Kërcënuesi i Bejtës është I. Jakupi, që është në lidhje familjare me Nexhati Jakupin, ish–ministër dhe njëri nga kandidatët për kryetar dege në Gostivar.
“Në Stacionin e Policisë në Gostivar, N.B ka denoncuar se ka marrë kërcënime përmes telefonit nga I.J. Po punohet për zbardhjen e rastit”, deklarojnë nga Ministria e Punëve të Brendshme.
