Rektori i UT-së dhe dekani i Ekonomisë pretendojnë se janë kërcënuar nga Emiljano Shullazi më 15 prill gjatë garës për zgjedhjet në universitete
Janë thirrur në Prokurorinë e Krimeve të Rënda për të dëshmaur në lidhje me kërcënimet e pretenduara të Emiljano Shullazit, Rektori i Universitetit të Tiranës Mynyr Koni dhe Dekani i Fakultetit të Ekonomisë Dhori Kule. Dëshmitë e dy akademikëve priten të ndihmojë hetimet që kanë nisur ndaj Shullazit, i cili dyshohet se ka kërcënuar Konin dhe Kulen për tu tëhequr nga gara në universitete .
Kule e Koni janë paraqitur paraditen e sotme në ambientet e Prokurorisë së Krimeve të Rënda ku janë marrë në pyetje në lidhje me kërcënimet e pretenduara nga Emiljano Shullazi. Fillimisht ështe marrë në pyetje dekani Kule seanca ndaj të cilit ka zgjatur rreth 2 orë. ““M’u afruan me makinë afër Rektoratit dhe më thanë: mos e mbështet Mynir Konin. Pastaj u larguan menjëherë. Për shkak se nuk i njihja personat që më kërcënuan unë nuk bëra kallëzim direkt në polici. Unë nuk e njoh Emiljano Shullazin”, ka thënë Kule në dëshminë e tij”, citon lapsi.al. Ndërsa më pas ka vijuar marrja në pyetje edhe për rektorin e Universitetit të Tiranës. Dëshmitë e dy akademikëve të sipërpërmendurve priten të ndihmojnë hetimet.
