Një nga aspektet e komentuar të protestës së sotme ka qenë numri i pjesëmarrësve. Këngëtari shkodran Luiz Ejlli thotë se ka lindur dhe do të vdesë i djathtë, megjithatë shpreh zhgënjim se ku është katandisur kjo forcë politike.
“Kaq njerëz sa janë këtu, më kanë marrë në telefon për të parë finalen e Champions sot, mos më shumë…”, ka shkruar Ejlli.
Postimi i plotë:
Në jetën time nuk jam ndjerë më keq dhe më i zhgënjyer se sa sot. Ku është flamuri i PD??? I çove njerëzit tek dyert e ministrisë dhe i lë vetëm? Ku je?
Unë kam lindur, jam dhe do vdes i djathtë. Por partinë e parë dhe të vetme demokratike të na e katandisni kështu? Këtë nuk e pranoj! Kjo nuk është partia demokratike, kjo nuk është e ardhmja, kjo është e dhimbshme dhe fyese për të gjithë ata që dikur besuan dhe besojnë prapë tek kjo forcë politike. Kaq njerëz sa janë këtu, më kanë marrë në tel për të parë finalen e Champions sot, mos më shumë. Ju drejtohem me dorë në zemër, kur të keni mitingje, më thoni ju lutem, se ju mbledh unë për 20 min të paktën 3-fishin, por mos na turpëroni kështu, ju lutem! Unë prapë e them, RROFTË PARTIA DEMOKRATIKE! Por jo kështu. Momenti i fjalimit të z.Basha. KULMI I MITINGUT”
