Katy Perry u përball me një incident të papritur në episodin e ri të “American Idol” pasi iu grisën pantallonat.
Ylli i pop-it po performonte në skenë hitin e saj të vitit 2010 “Teenage Dream” me anëtarët e tjerë të jurisë, Lionel Richie dhe Luke Bryan.
Teksa po interpretonte, Perry u përkul dhe grisi pjesën e pasme të pantallonave të saj të kuqe prej lëkure.
Anëtarët e stafit i erdhën në ndihmë për të ngjitur zonën e grisur me një shirit ngjitës në ngjyrë të verdhë.
Kjo nuk është hera e parë që këngëtarja përballet me një situatë të tillë. Në vitin 2018, këngëtares iu gris veshja gjatë transmetimit live.
Videoja është bërë virale kudo në rrjet dhe po komentohet nga të gjithë.
