Bashkia e Tiranës, me mbështetjen e ambasadës çeke, përfundoi punën për këndin rekreativ në sheshin “Bajram Curri” në Njësinë 7.
Veliaj theksoi se realizimi i këtij projekti, ashtu si dhe në çdo investim tjetër, ka ngjallur menjëherë interesin e banorëve, ndërsa u shpreh se shtimi i hapësirave rekreative po i jep mundësi të rinjve që të merren më shumë me aktivitete fizike dhe për të bërë një jetë më të shëndetshme.
“Jemi shumë të kënaqur sot, ky është këndi i 25-të i lodrave. Kemi gjetur disa miq fantastikë tek ambasadori çek dhe ambasada çeke, sepse ishim këtu vetëm para pak javësh dhe kjo hapësirë ishte një pirg i madh me dhera, një hapësirë komplet e degjeneruar; sot është një kënd fantastik”, tha Veliaj.
Veliaj ftoi edhe përfaqësitë e tjera diplomatike që nën shembullin e Ambasadës çeke, të kontribuojnë për ta çuar edhe më tej këtë projekt.
