Kryeministri Edi Rama i bëri edhe një herë thirrje vendeve të BE që të miratojnë çeljen e negociatave me Shqipërinë.
Në një konferencë të përbashkët ministrat e Drejtësisë së Ballkanit, Ramas tha se ka politikanë europianë që nuk e dinë se Ballkani perëndimor është praktikisht brenda BE, nga ana gjeografike.
“E di që ne kemi probleme madhore ende për të zgjidhur, sepse problemi thelbësor është ndërtimi dhe fuqizimi i institucioneve. Ku është shpërblimi për punën tonë? Nga 3 kushte u bënë 9 dhe 99. Nuk duam të bezdisim BE, po kërkojmë recetë për ndërtimin e institucioneve. Ne jemi të ndarë nga një kufi i cili gjendet gjithandej rreth nesh dhe jam i sigurt që 99% e deputetëve në parlamentet kombëtare nuk e kuptojnë që Ballkani perëndimor nuk është i rrethuar nga vende të BE, mendojnë se Ballkani perëndimor është mes Greqisë dhe Turqisë. A mund të mbash veshkën në xhep? A mund të funksionojë një organizëm i tillë? Pikë së pari kjo është çështje sigurie. Ballkani Perëndimor është i domosdoshëm për BE, po aq sa BE është e domosdoshme për ne, por për arsye të ndryshme”.
