Kandidati i koalicionit opozitar Bashkë Fitojmë për Bashkinë e Tiranës, Belind Këlliçi, ka shfrytëzuar emisionin e mëngjesit në Syri TV, teksa po fliste me qyetarët për sfidat e fushatës, për të ftuar përsëri Erjon Veliajn në debat.
Këlliçi i tha drejtuesit të emisionit, nëse ia kishte numrin e telefonit kryebashkiakut aktual, që t’i kërkonte një debat për Tiranën, problemet e qytetit, dhe për çdo çështje që shqetëson atë dhe banorët.
“Edhe për diplomat”, tha Këlliçi.
Në një moment duke u drejtuar nga kamera, kandidati i opozitës u shpreh; Ku je mo, pse ke humb, hajde në debat, ku të duash, në cilën studio të duash, për çdo temë që të duash!
Debati mes dy kandidatëve për Bashkinë e Tiranës është një gjë që po kërkohet shumë nga opinioni publik.
Në sondazhet e fundit, del se rreth 70 përqind e qytetarëve e kërkojnë këtë debat.
Nga ana tjetër, prej fillimit të fushatës, Belind Këlliçi e ka kërkuar këtë ballafaqim, në mënyrë të përsëritur.
Por gjithnjë, Veliaj, i pyetur nga gazetarët, është shmangur, pa argumente bindëse. Ai ka kundërshtuar nën pretekstin se nuk mund të bëjë debat me kukulla të përsonave non grata, (Berishën).
Debati i shërben shoqërisë në një demokraci dhe e ndihmon votuesit në zgjedhjen dhe vendimin që ai merr.
Por, debati tashmë duket si një term i harruar nga socialistët.
The post Këlliçi sfidon live Veliajn: Ku je mo, pse nuk vjen në debat? appeared first on 27.
