Sali Berisha dhe Ilir Meta kanë reaguar pasi deputeti demokrat, Belind Këlliçi shprehu ambicien për të kandiduar për Bashkinë e Tiranës. Kreu i PL, Meta theksoi se s’ka rëndësi emri, por procesi i primareve do të jetë ai që vendos kush është kandidati më i mirë.
”Për ne s’ka rëndësi asnjë emër për asnjë lloj funksioni sepse marrëveshja është e qartë. Për ne procesi duhet të jetë transparent, do respektojmë çdo zgjedhje të primareve, do zgjedhë kandidatët më të mirë, pavarësisht se shohim se njëri janë më i mirë se tjetri,” tha Meta.
Ndërsa Berisha u përgjigj: “Kandidati për qytetar të parë të Tiranës do të dalë nga primaret. Ne ramë dakord se ky koalicion mbështet plotësisht primaret. Unë përgëzoj të gjithë ata të cilët vendosin të provohen në një garë të pashembullt ndonjëherë në historinë e këtij vendi që synon t’i japë fund kryetarokracisë, synon të përmbysë praktikat e vjetra të zgjedhjes së përfaqësuesve. Këlliçi ka shprehur dëshirën dhe unë e përgëzoj, sikundër përgëzoj secilin personalitet të partisë ose të shoqërisë civile që vendos të provohet në garë për qytetar të parë të Tiranës.
