KED ka përcjellë në Gjykatën e Lartë më datë 15.08.2022, raportin e miratuar dhe listën me dokumentacionin shoqërues të kandidatëve që kanë konkurruar për vendin vakant të Gjykatës Kushtetuese. Lista me 3 kandidaturat, miratuar nga KED përbëhet nga Ilir Toska, Manjola Xhaxho dhe Holta Zacaj.
Për të zgjedhur anëtarin e ri të Gjykatës Kushtetuese, zëvendëskryetari i Gjykatës së Lartë, Sokol Sadushi, ka vendosur thirrjen e Mbledhjes së Posaçme të gjyqtarëve të Gjykatës së Lartë, për të zgjedhur anëtarin e Gjykatës Kushtetuese, ditën e hënë, datë 12.09.2022, ora 10.00.
Gjykata Kushtetuese rinisi punën në dhjetor 2020, pasi u plotësua kuorumi me 7 anëtarë. Aktualisht ajo ka në përbërje 8 anëtarë.
