Ish- opinonisti i showt “Big Brother VIP”, Abër Hajdari ka folur së fundmi në lidhje me eksperiencën e tij në spektakël. Edhe pse “reality show” ka muaj që ka përfunduar ka akoma njerëz që e kritikojnë për disa gjëra që ai mund të ketë thënë gjatë spektaklit për ndonjërin nga banorët që ishin brenda shtëpisë.
Për 4 muaj ai qëndroi në karrigen e opinionistit duke dhënë mendime rreth konkurrentëve dhe situatave të nxehta. Pas gjithë atij rrugëtimi, a kishte Arbri një të preferuar në “Big Brother VIP”?
I ftuar mbrëmjen e djeshme në emisionin e fëmijëve në “Kurthin e Piter Panit”, Arbri u përball sërish me të njëjtën pyetje që e sqaroi një herë e mirë.
“Për kë bëje tifo në Big Brother?”-ishte pyetja e njërit prej fëmijëve që ai u përgjigj duke thënë se i ishte bërë shumë herë kjo pyetje dhe nuk ka hezituar të përgjigjet.
“Më është bërë disa herë kjo pyetje dhe e kam thënë, besoj se jam i sinqertë këtu. Nuk kam pasur ndonjë të preferuar.”, tha ai, por shtoi se ai që fitoi spektaklin ishte më i duruari dhe e meritoi fitoren.
