Komisioni Evropian ka njoftuar të mërkurën se ka arritur një marrëveshje me Pfizer dhe BioNTech për furnizimin me 4 milion doza shtesë të vaksinës Covid që do të dorëzohen këtë muaj.
Dozat për të vaksinuar 2 milionë njerëz do të dërgohen veç dërgesave të planifikuara, për të lehtësuar lëvizjet në kufij dhe për të trajtuar “pikat e nxehta” të virusit, shtoi KE.
Ursula von der Leyen, presidentja e KE u shpreh: “Për të trajtuar variantet agresive të virusit dhe për të përmirësuar situatën në pikat e nxehta, veprimi i shpejtë dhe vendimtar është i nevojshëm.”
Një zëdhënëse e BioNTech tha se dozat shtesë ishin rezultat i një “përmirësimi të efikasitetit”, duke shtuar se vëllimet që do të dorëzoheshin në tremujorin e dytë mbetën të pandryshuara.
