Një 30 vjeçar ka mbetur i plagosur me armë zjarri nga një 34 vjeçar në Kavajë.
Ngjarja ka ndodhur mëngjesin e sotëm rreth orës 09:25 në rrugën “Andi Dervishi” të Kavajës. Shtetasi Eduart Kollçaku ka plagosur me pistoletë shtetasin A.K i cili është dërguar në spital jashtë rrezikut për jetën.
Policia ka arrestuar autorin e plagosjen si dhe ka sekuestruar në cilësinë e provës materiale pistoleta tip TT, model 56 me një krehër dhe tre fishekë. Nga të dhënat e deritanishme mësohet se ngjarja ka ndodhur pas një konflikti të çastit.
