“Do t’i mbyll gojën SHQUP-it dhe Bashës për akuzat kundër meje”
Pasdite në Kavajë përfaqësuesit e PS-së dhe punonjësit e Bashkisë, janë grumbulluar në sheshin “Demokracia” në mbështetje të kryebashkiakut të dorëhequr, Elvis Rroshi. Vetë Rroshi ka dalë para njerëzve të grumbulluar atje dhe në fjalën që ka mbajtur deklaroi se do të vazhdojë betejën ligjore në Itali dhe do të rikandidojë për Kavajën.
“Do të rikandidoj në krye të Bashkisë së Kavajës. Do vazhdoj betejën ligjore në Itali. Kam qenë 15 vjeç, kur kam ikur në Itali. S’jam në dijeni të gjyqit që është bërë në mungesën time. Thirrje qytetarëve të ruajnë qetësinë në Kavajë. Do t’i mbyll gojën SHQUP-it dhe Bashës për akuzat kundër meje”, ka thënë Rroshi.
