Një aksident i rëndë ka ndodhur ditën e sotme në aksin rrugor Kavajë-Rrogozhinë ku për pasojë ka humbur jetën një person.
Policia bën me dije se një automjet tip “Benz” ka përplasur një motor (pa targa) dhe për pasojë ka humbur jetën në vend drejtuesi N.S, 64-vjeç ndërsa ka mbetur e plagosur bashkëshortja e tij, Sh.S, 60 vjeçe. Kjo e fundit është dërguar me urgjencë në spitalin e Durrësit për ndihmë mjekësore. Mësohet se gjendja e saj shëndetësore është në rrezik për jetën.
Mësohet se drejtuesi i mjetit tip “Benz”, L.E., 46-vjeç është shoqëruar në ambientet e policisë Kavajë për veprime të mëtejshme proceduriale.
Policia ndodhet në vendngjarje dhe po punon për përcaktimin e rrethanave dhe shkakut të këtij aksidenti.
