Nënkryetari i LSI, Petrit Vasili ka renditur kritikat ndaj menaxhimit të situtës së COVID-19 nga qeveria duke e quajtur një karantinë politike.
Përmes një postimi në Facebook, Vasili po ashtu shton se kryeministri tashmë ka uzurpuar rolin e shkencëtarëve dhe jep mesazhe shumë të gabuara dhe negative.
STATUSI I PETRIT VASILIT
Troç!
Kjo është KARANTINE POLITIKE !
Me veprimet konfuze dhe sajesat injorante të një qasje sporadike antishkencore dhe pa asnjë kuptim
Me mungesën dramatike dhe refuzimin e bërjes së gjatë të testimeve
Me përjashtimin e mjekëve të familjes nga trajtimi i pandemisë
Me kufizimet e lëvizjes me orare hapjeje e mbylljeje pa asnjë logjikë shkencore dhe që bëjnë të kundërtën e pengimit të pandemisë
Me refuzimin e mbylljes dhe testimit të gjerë të veprimtarive ekonomike të rrezikuara si fason etj
Me mungesën kritike të mjeteve mbrojtëse për personelin mjeksor
Me financimin shumë të vogel dhe tepër të vonuar
Me çfaqjen e vatrave të reja të pandemisë në vazhdimësi
Me çfaqjen e numrave të rasteve të reja të njejta me fillimin e pandemisë
Me refuzimin e mendimit shkencor objektiv e të kualifikuar dhe stimulimit të histerisë së pseudoshkencës partiako qeveritare
Me uzurpimin nga kryeministri te rolit të shkencëtarëve dhe përcjellja e mesazheve shumë të gabuara dhe negative
Me refuzimin edhe të kërkesave të Organizatës Boterore të Shëndetësisë
Me Antistrategjinë, që realisht po zbatohet dhe që justifikohet me gjoja mendime”ilegale” ekspertësh dhe me zero trasparencë.
Për të gjithe këto fakte gozhduese, ka vetem një konkluzion të palëkundur për të gjithë këtë kufizim të jetës dhe ekonomisë së shqiptarëve që Rama nga vrima e FB po bën:
Kjo është KARANTINE POLITIKE!
