Policia e Kapshticës ka sekuestruar një sasi prej 71 kg kanabis sativa, e cila ishte fshehur në 99 tuba plastikë. Burime zyrtare bëjnë të ditur se është vënë në pranga drejtuesi i kamionit ku është gjetur droga, Qani Mançe, 60 vjeç nga Tirana. Ai ishte në dalje të Shqipërisë dhe nisur nga dyshimet, mjeti u përzgjodh për verifikim në vijën e dytë.
Gjatë kontrollit në skaner, në pjesën e tavanit të rimorkios, në brendësi të tubave plastikë që mbajnë skeletin e mbulesës së rimorkios, u konstatuan 99 tuba plastikë me ngjyrë portokalli, ku ndodhej dhe sasia e drogës.
Hetimet do të vijojnë më tej nga Prokuroria e Krimeve të Rënda në Tiranë.
