Një tjetër sasi e madhe droge është sekuestruar në orët e para të mëngjesit të sotëm në Gumenicë.
Raportohet se pas mesnatës së kaluar është ndaluar gomonia me 36 pako, në të cilat janë gjendur plot 424 kilogranmë marijuanë.
Gomonia me drogë është kapur në plazhin e Platarias në Gumenicë, ndërsa mësohet se në pranga është vënë një shqiptar që ishte në rolin e skafistit. Shqiptari i arrestuar është një 42-vjeçar, por ende nuk është bërë i ditur identiteti i tij. Policia ka njoftuar se ai u kap teksa tentonte të nxirrte drogën nga gomonia e ta hidhte në breg.
Policia po vijon punën për zbardhjen e plotë të ngjarjes si dhe kapjen e personave të tjerë të përfshirë në këtë rrjet.
