Policia e Elbasanit ka arrestuar para dy ditësh një biznesmen, ndërsa nga kontrolli në makinën që e drejtonte pa patentë iu gjetën dhe bllokuan 800 mijë euro dhe dy leje drejtimi për mjete lundrues.
Sipas policisë i arrestuari Orest Lefter Sota 25-vjeç është administrator i një firme private, ndërsa ka deklaruar se shumën do ta përdorte për likuidimin e disa faturave.
Biznesmenit i janë gjetur edhe dy leje për drejtim të mjete lundruese në emër të Saimir Tahirit, por policia nuk e ka publikuar një fakt të tillë në komunikatën për shtyp.
Orest Sota është administrator i firmës “Fortis Beton” ndërsa babai i tij është biznesmen në fushën e ndërtimit (hekur) dhe medias. Orest Sota ka deklaruar në policinë e Elbasanit se është mik me shoferin e Saimir Tahirit dhe se lejet e drejtimit i kishte harruar ai në makinën e tij. Policia po heton për dokumentet e sekuestruara, nëse janë të falsifikuara ose jo dhe si i ka poseduar.
/report tv/
