Uest Hemi ka humbur ditën e sotme 0-3 ndaj Bërnelit ne kampionatin anglez. Situata është e rënduar në këtë klub, pasi rrezikojnë seriozisht rënien nga kategoria.
Si lojtarët, ashtu edhe tifozët nuk po e përballojnë aspak mirë këtë situatë. Pas golit të parë të pësuar sot ndaj Bërnelit, disa nga tifozët e humbën durimin.
Një grup i tyre zbriti në fushë në formë pakënaqësie për paraqitjen që po bën skuadra e tyre, ndërsa një pjesë e tjetër lanë shkallët e stadiumit para kohe, duke detyruar kështu largimin nga stadiumi edhe të pronarëve të klubit.
Tifozët të revoltuar u kapën me lojtarët e Uest Hemit. Kapiteni i ekipit, Mark Noble largoi njërin prej tyre me forcë, ndërsa një tjetër mori flamurin e këndit dhe donte ta vendoste në qendër të fushës.
