Kandidati i Aleancës për Shqipërinë Europiane Ilia Stefo ka fituar zgjedhjet për kryetar Bashkie të Kolonjës.
Stefo mori 2 103 vota më shumë sesa kandidati tjëtër Dritan Hajro i Partisë Agrare dhe e ndarë në përqindje kandidati i majtë mori 62.8% të votave, ndërsa ai i djathtë 37.1%.
Fushata elektorale dhe dita e votimit ka qenë e qetë, po ashtu edhe procesi i numërimit. Ka patur disa incidente të vogla.
Në orën 18:00 ka përfunduar procesi i votimit në të gjitha QV për Bashkinë e Kolonjës, dhe sipas të dhënave të grumbulluara nga KQZ, rezulton se në zgjedhje morën pjesë 49,6% e votuesve.
