Deputeti i Partisë Demokratike, Luçiano Boçi ka mohuar çdo mundësi për të kandiduar për kryetar të Partisë Demokratike në rast zgjedhjesh. Në një intervistë për mediat, Boçi tha se do të mbështetim këdo që bind elektoratin edhe nëse është figurë e re por që vjen me teza të reja.
“Grupi Parlamentar ka shkuar te anëtarësia, përfaqëson mendimin e tyre. Nuk është luftë brrylash e pisët për të zënë vendin në krye. Jam mbështetës i një lobimi për një person që mund të na përfaqësojë dhe mendon se do të jetë i suksesshëm në betejat që do të vijnë. Ne do të mbështesim këdo që është bindës para elektoratit. Është nder të hyj në një garë të tillë por unë e mas mirë hapin kur e hedh dhe gjykoj se nuk e kam akoma bazën e fuqishme për të ndërmarrë një hap të tillë. Për Komisionin e Rithemelimit duhet të presim gjykatën. Ai kuvend ka kërkuar bërjen e zgjedhjeve. Dorëheqja duhet patjetër” – u shpreh Boçi.
Më tej ai edhe votat kundër e deputetëve që kanë kaluar tek “Shtëpia e Lirisë”, në lidhje me raportin e Partisë Demokratike të nxjerr nga komisioni hetimor për inceneratorët. Ai u shpreh se ndoshta deputetët nuk kanë qëndrime të njëjta dhe për të nuk është kiameti.
“Ndoshta nuk kemi qëndrime të njëjta, nuk është kiameti. Unë kam qenë pjesë e Komisionit. Kur bëhet fjalë për votë secili përgjigjet vetë. Por kur PD përjashton Bylykbashin nuk mund ta paragjykojë se ka votuar kundër. Marrëdhëniet e mia dhe Berishës janë institucionale dhe takimi i fundit me Bashën ka qenë në seancën parlamentare ku i kam uruar edhe Ditën e Verës” – ka thënë Boçi.
