Temperaturat e ulëta bora dhe ngrica kanë krijuar një sërë problemesh në qarkullimin e automjeteve në disa zona rurale të Librazhdit. Burime bëjnë me dije se janë rreth 650 km, rrugë të cilat po kriposen dhe vazhdojnë të jenë të hapura. Ndërkohë nëpër rrugë ndodhen edhe dy borë pastruese të cilat vijojnë punën e tyre në zonat e thella dhe po mbajnë të hapur akset rrugore që lidhin fshatrat e njësive administrative të bashkisë, si Orenjë, Qendër, Hotolisht, Lunik, Polis po vazhdin hapja e rrugës Qarrishtë.
Gjithashtu, rruga në Qafë Llogara për momentin është bllokuar pasi një mjet i tonazhit të rëndë, ka dalë nga rruga duke u bërë pengesë për kalimin e makinave të tjera. Policia e Vlorës bën me dije se ngjarja ka ndodhur në vendin e quajtur “Çezma”, ku kamioni për shkak të borës në rrugë ka rrëshkitur. Ndërkohë uniformat blu kërkojnë mirëkuptimin e qytetarëve dhe bëjnë apel që këtë aks të mos e përdorin për momentin.
