Protesta para Kryeministrisë vazhdon dhe qytetarët po shpetin një për një kërkesat e tyre. Gjatë fjalës së saj një studente është duartrokitur nga të gjithë të pranishmit aty, pasi i preku të gjithë me deklaratën e fortë që bëri. Ajo tha se Shqiptarët janë të trishtuar sot, pasi nuk sigurojnë as bukën e gojës, ndërsa shtoi se brezi i ri po vuan njësoj si prindërit e tyre që jetuan komunizmin. E reja tha se të rinjtë shqiptarë vuajnë nga ankthi dhe pasiguria për të nesërmen.
“Sot ajo tha se shqiptarët janë të trishtuar, në ankth ndërsa shtoi se ata që na qeverisin sot janë prej votës së tyre në pushtet . “Sot flas si një e re qytetarë qe e do këtë vend. Sot hoqa dorë nga të gjitha angazhimet tu bashkohesha juve, fjalët dalin vetë se nuk ke sesi të mos dalin. Ne po ndjejmë dhimbjen që kanë ndjere paraardhësit tanë, pasi ato vargje qëndrojnë akoma. Kafshatë që s’kapërdihet është or vlla mjerimi, kafshatë që të ngel në fyt e të mbyt trishtimi, shqiptarët po I mbyll trishtimi ankthi”, tha ajo.
Sakaq, ajo tregoi se po vinte me shpejtësi në protestë dhe taksisti që e solli mes lotësh i tha se do bashkohet në protestë dhe nuk i kishte marrë asnjë lekë për shërbimin. “Ndërkohë shoh histori përditë të dhimbshme në Shqipëri. Mora një taxi dhe si çdo e re i thashë do shkoj në protestë, do vi edhe unë tha, të parkoj në stacioni treni, i thashë faleminderit shumë, nuk më mori as lekët, ky është populli shqiptar, ka burra trima që fitoren e kanë korrur me luftë dhe po e shkatërrojnë me laps. Në emër të baballarëve nenave vajzave iu bëjmë thirrje po kujt ti besh thirrje se është e kot, e ka treguar. Jam e lumtur që ka të rinj që e duan vendin e vet”, tha e reja, ndërsa iu bëri thirrje të rinjve që të protestojnë për prindërit e tyre që në kaq vite nuk po shohin një ditë të gëzueshme.
