Një sulm terrorist ka ndodhur në një xhami në kryeqytetin afgan, Kabul, ku 28 persona kanë humbur jetën duke përfshirë këtu gra dhe fëmijë.
BBC shkruan se dy kamikzë shpërthyen në xhami gjatë namazit të mbrëmjes së të premtës, ndërsa dy të tjerë u vranë nga forcat afgane. ISIS ka mbajtur përgjegjësinë e sulmit në xhaminë myslymane.
Sipas zëdhënësit të Ministrisë së Brendshme, Najib Danez, sulmi zgjati disa orë kur 2 nga 4 kamikazët shpërthyen në portën e Xhamisë Imam Zaman ndërsa besimtarët po faleshin. Më pas 2 kamikazët e tjerë sulmuan xhaminë dhe qëlluan mbi forcat e sigurisë. Autoritetet vranë personat e armatosur pas një luftimi prej katër orësh.
