Përfshirja e Asensios në formacionin titullar të Realit të Madridit ka lënë në hije Iscon. Sipas mediave sportive italiane Juventusi ka kërkuar shërbimet e futbollistit Isco.“Bardhezinjtë” shpresojnë se në momentet e fundit të mërkatos Reali i Madridit do të pranojë transferimin e mesfushorit spanjoll në Torino.
Juventusi ka qenë shumë aktiv gjatë merkatos së verës dhe falë shitjes rekord të Paul Pogbasë te Manchester United, ka ruajtur edhe bilancin e hyrjedaljeve. Ka shpenzuar 157 milionë euro ndërkohë që ka arkëtuar 1 milion më shumë, çka i lejon që të bëjë edhe një sforco tjetër ekonomike për një lojtar cilësor.
Atlernativë është edhe Cuadrado, i ambientuar tashmë me “Bardhezinjtë”, por kartonin e tij e zotëron Chelsea dhe gjithçka varet nga vendimi i Antonio Conte. Alternativë janë gjithashtu edhe francezët Matuidi dhe Sissoko.
