Juventusi ka arritur të fitojë kundër Milanit me një përmbysje në pjesën e dytë. Bardhezinjtë fituan 2–1 dhe tashmë futën në një krizë rezultatesh Milanin.
Në takimin e vlefshëm për javën e 31-të, bardhezinjtë mposhtën Milanin me përmbysje, duke vendosur një dorë te titulli i 8-të radhazi në vend.
Golit të Piatek në minutën e 39-të iu përgjigjen Dybala e Kean në fraksionin e dytë. Argjentinasi u tregua i saktë nga 11 metra larg, ndërkohë që talenti italian nuk njeh pengesa. Goli ndaj kuqezinjve ishte i 5-ti radhazi dhe i gjashti me fanellën e Juventusit në këtë takim, nga 7-të gjithsej.
Tashmë Juventusi është vetëm një fitore larg titullit kampion. Ndërsa Milani tashmë mbetet në kuotën e 52 pikëve.
