Mesfushori gjerman Ilkay Gyndogan prej më shumë se një viti është kthyer në objektivin kryesor të Juventusit.
Por, duket se kalimi i mesfushorit të Borusia Dortmund në Torino është i pamundur.
Të paktën këtë la të kuptojë drejtori i përgjithshëm i Juventusit, Bepe Marota.
Ai tha se Gyndogan preferon të luajë në një tjetër kampionat dhe më e lehtë është të bindet Pogba të qendrojë, se sa gjermani që të transferohet në Itali.
“Përsa i përket Gundogan mund të them se më e thjeshtë për ne është të mbajmë Pogba, pasi ai është një element shumë i rëndësishëm për skuadrën.
Duam që të jetë pjesë e Juventusit për një kohë shumë të gjatë”, tha Marota.
Përveç Pogba, ai u shpreh i sigurtë se edhe trajneri Alegri do të qendrojë në Torino, ndërsa tha se shpreson që kjo gjë të ndodhë edhe me Alvaro Moratan.
