Maurizio Sarri nuk është më trajneri i Juventus, të paktën kështu raporton gazetari i Sky Sport në Itali, Gianluca Di Marzio.
Sipas gazetarit drejtuesit kanë vendosur që të heqin trajnerin pas eleminimit në Champions, ndërsa pritet vetëm komunikata zyrtare e bardhezinjve.
Sarri largohet pas vetëm 1 sezoni, teksa ia doli të fitojë titullin në Serie A, duke humbur dy finale me bardhezinjtë, atë të Kupës italiane dhe Superkupën.
Emrat që qarkullojnë për të zëvendësuar ish-trajnerin e Empolit, Napolit dhe Chelsea janë ata të Gasperinit (Atalanta) dhe Simone Inzaghit (Lazio) nga Serie A, ndërsa një alternativë është Mauricio Pochetino, ish-trajneri i Tottenham.
