Juventus ka përmbysur shifrat përballë Interit në finalen e Kupës së Italisë. Për skuadrën e drejtuar nga Allegri fillimisht barazoi shifrat mbrojtësi Alex Sandro në minutën e 50-të duke iu përgjigjur kështu golit të Barellas në pjesën e parë të takimit. Mbrojtësi anësor brazilian ka goditur nga distanca dhe me anë të një devijimi të vogël, topi ka përfunduar në rrjetë.
Por vetëm pak minuta më vonë, Vlahovic ka realizuar një gol shumë të bukur duke përmbysur rezultatin. Ndeshja në këto momente kryesohet nga Juventusi me rezultatin 2-1.
“Zonja” që është dhe kampione në fuqi kërkon të ruaj trofeun përballë rivalit të saj të përjetshëm dhe gjithashtu do të kërkojë të marri hak pas asaj humbjeje në finalen e Super Kupës. Nga ana tjetër, zikaltrit kërkojnë të rikthehen te ky trofe pas plot 11 vitesh dhe ta mbylli këtë sezon me të paktën një trofe, nëse nuk ia del të shpallet kampion në Serinë A.
