Ashtu siç pritej, Napoli dhe Juventusi kanë fituar pasditen e sotme ndaj Karpit dhe Frozinones.
Edhe pse në letër dy ndeshje të lehta, në fakt nuk ka ndodhur kështu.
Napoli ka fituar vetëm 1-0 në Karpin, me anë të një penalltie të Higuain.
Juventusi ndërkohë, ka fituar me dy gola të shënuar nga Kuadrado dhe Dibala, duke arritur fitoren e 14 radhazi.
Napoli vijon të jetë dy pikë para bardhezinjve dhe javën tjetër sfida mes tyre në Torino pritet të jetë vendimtare për fatet e kampionatit, duke qenë se të dyja ekipet po i fitojnë të gjitha ndeshjet.
Milani ndërkohë nuk ka shkuar më shumë se barazimi 1-1 në fushën e vet ndaj Udinezes, duke mos përfituar kështu nga barazimet e Fiorentinës dhe Interit, për t’iu afruar edhe më shumë zonës që të çon në Champions League.
