Lidhur me marrëveshjen e bërë mbrëmjen e djeshme në Ligën e Futbollit Italian, ku u vendos që ndeshja mes Juves dhe Interit të luhet më 9 mars (të hënën) me tifozë, ka reaguar Presidenti i Interit.
Përmes një postimi të gjatë në Instagram, presidenti i Interit, Stiven Zhang, ka kundërshtuar që ndeshja mes Juventusit dhe Interit të luhet më 9 mars sërish me tifozë. Zhang ka shpërthyer publikisht kundër presidentit të Ligës së Serisë A, Paolo Dal Pino, të cilin e akuzon se po luan me kalendarin dhe me shëndetin e futbollistëve.
Vetëm disa orë pas publikimit të statusit të tij, Stiven Zhang është marr në hetim nga Federata Italiane dhe gjithashtu rrezikon një gjobë të majme.
Postimi i plotë i Presidentit të Interit
Ta bësh lodër kalendarin duke vënë shendetin publik gjithmonë në plan të dytë. Ti mbase je kllouni më i madh dhe më i errët që mund të kem parë në jetën time ?. 24 orë, 48 orë, 7 ditë? Çfarë tjetër? Cili është hapi yt i radhës? Dhe tani del e na flet për sportivitet dhe garë të drejtë? ? Si thua të mos i mbrojmë më fare lojtarët tanë dhe tranjerët dhe u themi të luajnë për ty non-stop? Po, po flas me ty. Presidentin e Ligës tonë, Paolo Dal Pino. Të kesh turp, është koha të çohesh dhe të marrësh përgjegjësinë mbi supe. Kështu bëhet në 2020. Çdo njeri perreth globit. Nuk ka rëndësi nëse është tifoz i Interit, i Juves apo i asnjë skuadre fare. Ju lutem qëndroni të sigurt. Kjo është gjëja më e rëndësishme për ju: të keni shëndetin tuaj dhe të familjarëve.
