Shtohen problemet e Juventusit në prag të transfertës së Mynihut për Champions League. Dibala ka ndjerë dhimbje në këmbën e majtë, madje nuk ka kryer as seancën e fundit stërvitore me grupin, pikërisht atë që i ka shërbyer Alegrit për të përcaktuar përfundimisht formacionin anti-Bajern. Madje lajmet nuk janë aspak optimiste për yllin argjentinas, pasi parashikohet që mund të humbasë edhe derbin ndaj Torinos. Ndryshe është situata për Manzukiç, i cili mund të jetë në fushë për ndeshjen e madhe. Ndërkohë, Klaudio Markizio do të qëndrojë larg fushave për 20-30 ditë dhe në vend të tij Alegri do të zgjedhë njërin midis Hernanes dhe Sturaro, si dhe konfirmohet përfundimisht edhe mungesa e Xhorxhio Kielinit.
