Presidenti i Komisionit Europian, Jean-Claude Juncker, ka paralajmëruar Britaninë e Madhe se do të pendohet për largimin nga Bashkimi Europian.
Juncker u tha deputetëve në Strasburg se kishte një urgjencë në rritje për të negociuar tërheqjen e Britanisë së Madhe nga BE-ja.
Gjithashtu Juncker i kërkoi kryeministres Theresa May të japë më shumë detaje, sesi Britania e Madhe e shikon marrëdhënien e saj të ardhshme me BE-në.
“Do kisha preferuar që Britania të mos vendoste të largohej nga Bashkimi Europian, por kushdo që e lë BE-në duhet ta dijë se çfarë do të thotë kjo. Nëse ju vendosni t’u ktheni shpinën marrëveshjeve dhe rregullave të përbashkëta, atëherë duhet të pranoni faktin se gjërat nuk mund të qëndrojnë ashtu siç janë”, tha Juncker.
