Jose Mourinho ka bindur yllin e Real Madrid, Gareth Bale për t’iu bashkuar United këtë verë, sipas raporteve në Spanjë.
United ishte interesuar për uellsianin që gjatë verës së kaluar.
Por sipas Diario Sport, skuadra angleze ka ringjallur interesin për Bale teksa kërkojnë të konkurrojnë Manchester City-n sezonin e ardhshëm.
Diario AS pretendon se sulmuesi do të jetë një nga yjet që do të largohet në fund të sezonit teksa Real po përgatit një mini-revolucion.
Bale ka kaluar një sezon zhgënjyes te Los Blancos pasi përveç dëmtimeve të vazhdueshme, ai është ulur më tepër në stol sesa ka zbritur në fushë.
Por tashmë që i kanë kaluar vuajtjet me dëmtimet, Madrid pritet të pranojë një shumë të majme për uellsinain në mënyrë që ta ri-investojë diku tjetër për të konkurruar Barcelona-n vitin tjetër.
Skuadra e Zidane aktualisht është në vend të tretë në La Liga, 15 pikë pas kryesuesve të Barça-s me nëntë ndeshje të mbetura.
http://telesport.al/jose-mourinho-bind-gareth-bale-te-shkoje-tek-united/
