Komisioneri Europian për Zgjerim, Johannes Hahn ishte në Sofie të Bullgarisë javën që shkoi për të biseduar me ministrat e jashtëm të vendeve kandidate, të cilat dëshirojnë t’i bashkohen bllokut të 28 shteteve.
I shqetësuar për aktivistët rusë në Ballkanin Perëndimor, Komisioni Europian ka vendosur të hapë dyert për këto vende. Si fillim, ftesë për çeljen e negociatave të anëtarësimit do të marrin edhe dy vende të tjera (Shqipëria dhe Maqedonia), kurse më parë janë çelur bisedimet me Serbinë dhe Malin e Zi.
Hahn u shpreh se nazionalizmi i tepruar grek është duke u kthyer në një kërcënim për Europën. Ai shton se qeveria greke ka nxitur gjithashtu mosmarrëveshje me Shqipërinë mbi depozitat e naftës e gazit në detin Jon, por edhe për kthimin e komunitetit çam, një minoritet etnik shqiptar, të cilët e detyruan me forcë të shpërngulej nga vendi i vet gjatë Luftës së Dytë Botërore.
Sipas raportit të Komisionerit Hahn stabiliteti i rajonit për vendet e Ballkanit Perëndimor është në rrezik, për shkak të veprimeve të fundit të Greqisë.
