Partia Socialiste ka bllokuar ngritjen e 3 komisioneve hetimore në Parlament, por duket se kjo është një praktikë që socialistët e kanë shtrirë edhe në këshillat bashkiakë.
E ndërsa në Kuvend me shumicë votash janë rrëzuar një nga një kërkesat e paraqitura nga opozita për komisione hetimore, e njëjta praktikë është ndjekur edhe në pushtetin vendor.
Më konkretisht në Bashkinë e Durrësit, këshilltarët e opozitës, kanë kërkuar ngritjen e një komisioni hetimor lidhur me fondet e rindërtimit.
Kërkesa është rrëzuar me 11 vota, ndërsa 9 këshilltarë kanë votuar pro ngritjes së Komisionit.
“Në Konferencën e Kryetarëve, e cila u zhvillua sot, kërkesa u rrëzua me 11 kundër dhe 9 pro. Ne mbetemi të palëkundur në kërkesën tonë për t’i treguar durrsakëve të vërtetën, ku dhe si shpenzohet çdo qindarkë nga taksat tona pasi në fund të fundit misioni ynë është të ju shërbejmë JU. Por kjo bashki, njësoj si kjo qeveri do t’i shërbejë klientëve të vet. Për këto arsye dhe më shumë se kaq, Bashkia e Durrësit është në terr informativ.
Iu bëj thirrje të gjithëve të na vendosni në dijeni për çdo shkelje që ju mund të keni parë dhe lidhet me këtë proces, e jo vetëm. Ne kemi nevojë për ju. Jemi absolutisht të vendosur për ta çuar deri në fund këtë komision për të garantuar mbi të gjitha lirinë dhe të drejtat tuaja.
Ministria e Financave dhe ajo e Rindërtimit ende nuk e kanë një bilanc të plotë të kostove për rindërtimin ndërsa përfaqësuesit e tyre priten nga qelitë me dyer të hapura. Asnjë institucion nuk ka bërë transparent shumën totale për këtë proces e as vlerën e alokuar përmes VKM-ve.
Edhe pse janë shpenzuar rreth 500 milionë euro, shumë prej jush akoma nuk i kanë çelësat e shtëpive, ndërsa të tjerë kanë përfituar padrejtësisht”, thuhet në një reagim të degës së PD-së Durrës.
Partia Socialiste ka bllokuar ngritjen e 3 komisioneve hetimore në Parlament, por duket se kjo është një praktikë që socialistët e kanë shtrirë edhe në këshillat bashkiakë.
E ndërsa në Kuvend me shumicë votash janë rrëzuar një nga një kërkesat e paraqitura nga opozita për komisione hetimore, e njëjta praktikë është ndjekur edhe në pushtetin vendor.
Më konkretisht në Bashkinë e Durrësit, këshilltarët e opozitës, kanë kërkuar ngritjen e një komisioni hetimor lidhur me fondet e rindërtimit.
Kërkesa është rrëzuar me 11 vota, ndërsa 9 këshilltarë kanë votuar pro ngritjes së Komisionit.
“Në Konferencën e Kryetarëve, e cila u zhvillua sot, kërkesa u rrëzua me 11 kundër dhe 9 pro. Ne mbetemi të palëkundur në kërkesën tonë për t’i treguar durrsakëve të vërtetën, ku dhe si shpenzohet çdo qindarkë nga taksat tona pasi në fund të fundit misioni ynë është të ju shërbejmë JU. Por kjo bashki, njësoj si kjo qeveri do t’i shërbejë klientëve të vet. Për këto arsye dhe më shumë se kaq, Bashkia e Durrësit është në terr informativ.
Iu bëj thirrje të gjithëve të na vendosni në dijeni për çdo shkelje që ju mund të keni parë dhe lidhet me këtë proces, e jo vetëm. Ne kemi nevojë për ju. Jemi absolutisht të vendosur për ta çuar deri në fund këtë komision për të garantuar mbi të gjitha lirinë dhe të drejtat tuaja.
Ministria e Financave dhe ajo e Rindërtimit ende nuk e kanë një bilanc të plotë të kostove për rindërtimin ndërsa përfaqësuesit e tyre priten nga qelitë me dyer të hapura. Asnjë institucion nuk ka bërë transparent shumën totale për këtë proces e as vlerën e alokuar përmes VKM-ve.
Edhe pse janë shpenzuar rreth 500 milionë euro, shumë prej jush akoma nuk i kanë çelësat e shtëpive, ndërsa të tjerë kanë përfituar padrejtësisht”, thuhet në një reagim të degës së PD-së Durrës.
