Nga Kreshnik Osmani
Kam bërë një llogaritje të shpejtë për gati tetë vjet në fejsbuk dhe më rezulton se kam shkruar të mbledhura bashkë ndërmjet shkrimeve dhe statuseve, opinione, analiza (pa përfshirë urimet, fotot, apo postimet e tipit feeling kështu apo ashtu etj, apo thëniet e të tjerëve) minimalisht tre mijë faqe libri. Thuaj dy mijë. Ky është një kontribut që edhe nëse humbet tek njerezit nuk humbet tek Zoti i njerëzve. Gjithçka është bërë “for free”, plotësisht falas. Mendoj se shumë nga ju keni bërë të njëjtën gjë këtu prej të cilëve kam mësuar shumë. Kësisoj të gjitha përpjekjet e parazitëve për të kompleksuar përdoruesit intensivë të rrjetit, janë boshe, xheloze, ziliqare dhe plotësisht pa kuptim. Njerëzit shohin çdo ditë e më pak TV dhe e ardhmja i përket komunikimit online. Sa më në menyre efektive ta përdorni atë aq më shumë u shërbeni njerëzve!
